Конфликттерди кантип чечип, бир келишимге келсе болот? 8 вебинар + жасалма окуялардын негизиндеги турнир. Жеңүүчүлөргө СуперПриз
26 сент – 25 окт ZOOM
КатышууКүнүмдүк турмушта биз конфликттерге оңой эле туш болобуз. Адатта, тараптардын кызыкчылыктары ар башка болуп, орток бир чечим табуу мүмкүнчүлүгү болбой калгандай көрүнөт.
Бул учурда компромисске баруу же позицияны аягына чейин коргогондун ордуна бардыгынын купулуна толо турчу жыйынтык берүүчү чечимге келүү мүмкүн. Бул нерсени үйрөнсө болот.
Катышуучулар эмнени үйрөнүшөт?
1
Логика менен ой жүгүртүү, конфликт эмне экендигин түшүнүү, көйгөйдүн түп-тамырын көрө билүү
2
Жагымдуу маанайда коммуникация түзүү, туура суроолорду берүү, чечимдердин дарагын тартуу
3
Эки тарапты тең жеңишке алып келүүчү Win-Win стратегиясын түзүү
Тренерлер
Арслан Алымкулов
Жергиликтүү жана эл аралык дебаттык турнирлердин бир нече жолку жеңүүчүсү, КТМУ дебат клубунун экс-президенти
Самат Анарбеков
Жергиликтүү жана эл аралык дебаттык турнирлердин бир нече жолку жеңүүчүсү, бизнести башкаруу жаатында магистр жана музыкант
Улан Үсөйүн
Жарандык активист, профеминист, айылдагы биринчи TEDx конференциясынын уюштуруучусу
Элнура Калыбаева
Жаштар саясаты жана жеке өнүгүү боюнча эксперт
Арслан Алымкулов
Жергиликтүү жана эл аралык дебаттык турнирлердин бир нече жолку жеңүүчүсү, КТМУ дебат клубунун экс-президенти
Самат Анарбеков
Жергиликтүү жана эл аралык дебаттык турнирлердин бир нече жолку жеңүүчүсү, бизнести башкаруу жаатында магистр жана музыкант
Улан Үсөйүн
Жарандык активист, профеминист, айылдагы биринчи TEDx конференциясынын уюштуруучусу
Элнура Калыбаева
Жаштар саясаты жана жеке өнүгүү боюнча эксперт
Вебинарлар кандай өтөт?
Биз Zооm программасын колдонобуз. Долбоорго 54 жаш адам катышат. Вебинарлардын эффективдүү өтүшү үчүн катышуучулар үч топко бөлүнөт. Ар бир топтун өзүнүн жалпы маеги (чат) болот. Ал жерден алар онлайн сабактарга жана окуу материалдарына шилтемелерди алып турушат, ошондой эле суроолорду берип, кейстерди талкуулашат. Биздин вебинарларда кыскача көнүгүүлөр камтылып, алар сиздин билимиңизди бекемдеп, жөндөмүңүздү жакшыртат.
Программа
1
26-сент (2.5 саат)
Сынчыл ой жүгүртүүнү кантип үйрөнсө болот? + Көнүгүүлөр (75 мүнөт)
Ыкчам реакцияны жана туура чечимдерди талап кылган кырдаал пайда болгондо, биз кантип ой жүгүртөбүз? Эмне үчүн бир тараптуу ой жүгүртүү бардыгын татаалдаштырат? Ийкемдүү, рационалдуу жана сынчыл ой жүгүртүүнү кантип үйрөнсө болот? Кантип негизсиз тыянактарды жана жалпылоолорду чыгарбай коё алабыз? Стереотиптерден кантип арылабыз? Эмне маанилүү, эмне маанилүү эмес? Бул вебинарда сиз жаңыча ой жүгүртүүнүн принциптерин жана ыкмаларын үйрөнүп гана тим болбостон, практика жүзүндө да иштей аласыз.
Кептен логикалык каталарды кантип аныктоо мүмкүн? + Көнүгүүлөр (75 мүнөт)
Аң сезимиңиз мыкты иштесе дагы, сиз ой жүгүртүүдө логикалык каталарды кетиришиңиз мүмкүн. Кантип бир нерсени башка нерсе менен байланыштырууга болот? Анын себеби эмнеде? Кесепети кандай болот? Эгерде логикалык амалдарды үйрөнүп алсаңыз, сизди алдап кетүү оңойго турбайт. Себеби сиз туура ой жүгүртүп, чечимдерди иштеп чыга аласыз. Жөн гана чечимдер эмес, конфликтти жөнгө салган жана эки тарапты тең канааттандырган оптималдуу чечимдер.
2
27-сент (2.5 саат)
Дедуктивдик ыкма деген эмне жана ал эмне үчүн керек? + Көнүгүүлөр (75 мүнөт)
Ой жүгүртүүнүн дедуктивдик методу маалыматтын ар тараптуу байланыштарын көрүүнү, фактыларды издөөнү жана туура пикирлерди курууну үйрөтөт. Мындан тышкары, болуп жаткан конфликттик кырдаалга байланыштуу туура жана ырааттуу ой жүгүртүүнү үйрөнө аласыздар.
Конфликт деген эмне? Аны кантип чечүүгө болот? + Көнүгүүлөр (75 мүнөт)
Максаттар, кызыкчылыктар, көз караштар дал келбесе, ал конфликт жаратышы мүмкүн. Алардын качан келип чыгуусун кантип түшүнө алабыз, кантип алдын алууга же жагымдуу жол менен чечүүгө болот? Биз конфликттин түзүлүшүн талкуулайбыз, бир эле чырды эки тараптан карап көрөбүз: бир нече сценарий, алардын чечүү жолдорун иштеп чыгуу жана кесепеттери тууралуу баарлашабыз. Биздин иш-аракеттерибиз эмнеге алып келиши мүмкүн экендигин элестетүүгө аракет кылабыз.
3
29-сент (2.5 саат)
Ойду кантип туура жеткирсе болот? + Көнүгүүлөр (75 мүнөт)
Башка адамдар менен коммуникация түзүүдө, маалыматты, идеяларды, ой-пикирлерди жана сезимдерди кайсы-бир белгилер аркылуу жеткиребиз. Бирок, кээде биз өз оюбузду туура айта албай калабыз: башкалар болсо аны туура эмес чечмелеп же түшүнбөй да калышы мүмкүн. Билдирүүнү кантип туура түзүү жана жеткирүү керек? Өзүңүздү спикер катары сынап көрүүгө мүмкүнчүлүк аласыз.
Ийгиликтүү суйлөшүүлөрдү кантип жүргүзүү керек? + Көнүгүүлөр (75 мүнөт)
Бул жеке турмушта дагы, жумушта дагы, деги эле бардык жерде зарыл болгон универсалдуу, баалуу жөндөм. Ал конфликт учурунда аябай эле керек болот. Эмнеден баштоо зарыл? Сүйлөшүү учурунда көзгө тике кароого болобу? Агрессивдүү угулбашы үчүн интонацияны кантип жөндөсө болот? Башкалар сизди түшүнбөй жатышса, эмне кылуу керек? Бир эле учурда өз кызыкчылыгыңызды коргоп, башкаларга да жага турчу кандай чечим сунуштай аласыз? Бардык сырларды үйрөтүп, практика жүзүндө иштейбиз.
4
30-сент (2.5 саат)
Каршылыктарга кандай жооп берүү, кайтарым байланышты кантип туура түзүү керек? + Көнүгүүлөр (75 мүнөт)
Конфликттер көбүнчө бири-бирибизди уга албагандыктан пайда болот. Эки тараптын конструктивдүү диалогу аркылуу ийгиликтүү каршылаштыктын орун алуусу үчүн эмне кылуу керек? Кайтарым байланыштын эмнеси маанилүү? Ал адамды өнүктүрүүгө жана каталарын жоюуга кандайча жардам берет? Бул жаңы жөндөмдөрдү практикада колдонуп, катышуучулар бири-бирине кайтарым байланыш бере алышат.
Адамды өзүбүзгө кантип тарта алабыз жана буга эмоционалдык интеллект кандайча жардам берет? + Көнүгүүлөр (75 мүнөт)
Заманбап дүйнөдө адамдын өздүгү өтө маанилүү, андыктан ар бир инсан менен туура мамиле куруу зарыл. Ар бир адам уникалдуу жана өзүнө мүнөздүү өзгөчөлүктөргө ээ, ага белгилүү бир билдирүүнү жеткирүү үчүн, анын ишенимине ээ болуубуз жана аны өзүбүзгө тарта билүүбүз жакшы. Эмоционалдык интелект деген эмне, ал бизге эмне үчүн керек? Эмне үчүн эмоциялар иш жолугушууларында дагы маанилүү? Аларды кантип көзөмөлдөп, өз максатыбыз үчүн колдоно алабыз?
5
Окт (1.5 саат)
Сүйлөшүүлөр боюнча турнирге кантип катыша аласыздар? Эрежелер жана механика (1 саат) + үлгү оюн (30 мүнөт)
Сиз конфликттер жана алардын чечүү жолдорун табуу боюнча адиске айландыңыз. Демек, алган билимиңизди сынап көрүүгө же башкалардын жардамы аркылуу толуктоого убакыт келди. Бул лекция эмес, мында эксперттер жана тренерлер алдыдагы турнирдин механикаларын, эрежелерин түшүндүрүп, ага кантип даярдануу керектигин айтып беришет. Алар бардык суроолорго жооп беришет жана топторду түзүшөт.
Кейс-турнир 🏆
18 команда ар түрдүү ролдорду аркалап, сүйлөшүүлөр аркылуу ар кандай конфликттерге натыйжалуу чечимдерди издешет. Мында башкы максат – жеңишке жетүү эмес, эң оптималдуу чечимди табуу. Ар бир раундда командаларга ар кандай кызыкчылыгы бар “ойдон чыгарылган окуялар” берилет. Катышуучуларга бардык тараптын кызыкчылыктарына туура келген чечим чыгарып, бир консенсуска жетүү керектелет.
ideaca.today сайтында атайын турнирдик блок түзүлөт, андан турнирдик сетканы жана тапшырмаларды көрө аласыздар. Командалардын оюндарына эксперттик калыстар тобу баа берет.
Бириккен улуттар уюмунун Өнүктүрүү программасынын колдоосу менен достукту жана тынчтыкты жайылтуу максатында «Консенсус» долбоорун IDEA Борбордук Азия ишке ашырууда. Биз ар бир конфликти сүйлөшүү жолу менен чечүүгө болот деп ишенебиз. Долбоордо айтылган ой-пикирлер уюмдардын көз-карашын чагылдырбайт. Кейс-турнирге берилген бардык окуялар ойдон чыгарылган.
